💜 CIM MÓBIL (CENTRO DE INFORMACIÓN ÁS MULLERES)

07/07/2026

Onte pola mañá, desprazouse ata o 𝐂𝐨𝐧𝐜𝐞𝐥𝐥𝐨 𝐝𝐞 𝐁𝐞𝐠𝐨𝐧𝐭𝐞, o CIM MÓBIL 🚐.

O Centro de Información á Muller Móbil (CIM Móbil), é un recurso especializado na atención integral a mulleres vítimas de violencia de xénero ❌ e outros colectivos vulnerables, dependente da Dirección Xeral de Loita contra a Violencia de Xénero (Consellería de Política Social e Igualdade) da Xunta de Galicia.

O servizo impleméntase nos concellos que non dispoñemos de CIM 🏬 municipal ou supramunicipal, asegurando un acceso ao servizo universal e sen barreiras e garantindo a igualdade de atención independentemente das circunstancias persoais ou sociais.

Este modelo de atención itinerante permitenos aos concellos dispoñer dun servizo especializado e de calidade 🤝, optimizando recursos e garantindo o acceso das mulleres 👩‍🦰 aos seus dereitos en todo o territorio.